30 декабрь 2025 Яңалыклар

Балалы гаиләләргә еллык түләүләр тәртибе расланды

Россия Премьер-министры Михаил Мишустин балалы гаиләләр өчен яңа еллык түләүне билгеләү тәртибен раслаган карарны имзалады.

Ярдәм чарасы 2026 елдан гамәлгә керәчәк, дип хәбәр итә РФ Хөкүмәте матбугат хезмәте.

Түләүне ике һәм аннан да күбрәк бала тәрбияләүче эшләүче ата-аналар алачак. Балалар өчен яшь чикләве – 18 яшькә кадәр (көндезге бүлектә укучы студент балалар очрагында – 23 яшькә кадәр). Төп шарт: гаиләнең җан башына уртача кереме төбәктәге яшәү минимумыннан 1,5 тапкырдан артыграк булмаска тиеш.

Ярдәм чарасы физик затлар керемнәренә түләнгән салымның бер өлешен кире кайтаруны күздә тота. Түләү алучыларга салым түләве бәясен 6 процентлы ташламалы ставка буенча исәпләячәкләр, ә аерманы кире кайтарачаклар. Акча елына бер мәртәбә күчереләчәк.

2025 ел өчен түләүне салым хисабын җыю чоры тәмамланганнан соң рәсмиләштерергә мөмкин булачак. Гаризалар 2026 елның 1 июненнән 1 октябренә кадәр кабул ителә.

Федераль бюджетта программаны финанслау өчен шактый зур суммалар бүлеп бирелгән:

2026 елга – 120 миллиард сумга якын;
2027 елга – 128 миллиард сумнан артык;
2028 елга – 138 миллиард сумнан артык.

Яңа түләү федераль закон белән регламентланган. Аны элегрәк Россия Президенты имзалады.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"