Махсус хәрби операциядә катнашучылар һәм ветераннар өчен “Время Героев” программасына охшатып булдырылган “Батырлар. Герои Татарстана” программасында катнашуга 1604 заявка тапшырылган. Бу хакта Премьер-министр Алексей Песошин Дәүләт Советының тугызынчы утырышында белдергән.
“Программа дәүләт һәм муниципаль идарә системасында, шулай ук башка өлкәләрдә квоталар билгеләү нигезендә вазыйфалар биләү өчен перспективалы җитәкчеләр командасын булдыру һәм әзерләүгә юнәлдерелгән”, – дип басым ясап әйткән ул.
Песошин сүзләренә караганда, Татарстан Хөкүмәтенең “Ватанны саклаучылар” фонды, муниципалитетлар башлыклары, эш бирүчеләр белән уртак бурычы – махсус хәрби операциядән кайтучыларны яңа һөнәргә өйрәтү, эшкә урнаштыру һәм реабилитацияләү.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез