13 нче хезмәт хакы түләү Россия Хезмәт кодексында беркетелмәгән һәм эш бирүчеләр өчен мәҗбүри түгел. Бу хакта «RT» белән әңгәмәдә эш эзләү буенча сервисның персонал һәм оештыру үсеше буенча директоры Юлия Санина сөйләде, дип яза «Татар-информ».
Эксперт сүзләренчә, ел ахырында өстәмә бүләкләү ел дәвамында югары нәтиҗәләр һәм лояльлек күрсәткән хезмәткәрләрне бүләкләү өчен кулланыла торган премияләүнең киң таралган практикасын тәшкил итә.
«Мондый түләүне алу өчен, әгәр ул оешмада каралган булса, хезмәткәрләргә еш кына компаниянең норматив документларында язылган конкрет күрсәткечләрне үтәргә, шулай ук дисциплинар җәзалар алмаска кирәк», – дип ассызыклады Санина.
Ул билгеләп үткәнчә, вакытлы хезмәткәрләр, стажерлар һәм фрилансерлар, кагыйдә буларак, 13 нче хезмәт хакы алучылар санына керми.
«Шул ук вакытта 13 нче хезмәт хакы бүгенге көндә иң популяр формат түгел, һәм төрле компанияләрдә хезмәткәрләрне мотивацияләү һәм премияләүнең төрле системаларын хуплыйлар. Шуңа күрә, әгәр эш бирүче үз хезмәткәрләренә 13 нче хезмәт хакын түләргә планлаштырмаса, бу һәрвакытта да ул коллективны матди яки башка төрле бүләкләмәячәк дигәнне аңлатмый» ,– дип өстәде белгеч.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез