Онлайн-гипермаркет белгече Максим Соколов «RT» белән әңгәмәсендә билгеләп үткәнчә, онлайн-сатып алуларның популярлашуы ясалма товарларны сатып алу куркынычын арттырган.
Белгеч сүзләренчә, интернет аша сатып алганда рейтингны, калдырылган фикерләрне, контактларны һәм документларның булуын тикшерү мөһим. Бигрәк тә бик түбән бәягә шикләнергә кирәк – ул товарның ясалма булуын күрсәтергә мөмкин, чөнки оригиналь товарлар материалларга, сертификациягә һәм технологияләргә тотылган чыгымнар күп булганга кыйммәт тора.
Соколов шулай ук ясалма товарларның еш кына төп нөсхәсенә бик охшаш булуын, бу исә сатып алучыларны алдавын әйтте. Ул логотиптагы, тартмадагы, төстәге яки шрифттагы кечкенә аермаларга игътибар итәргә, шулай ук материалны һәм товарның сыйфатын җентекләп карарга киңәш итте.
«Товарларны бары тик рәсми дилерлардан гына сатып алырга кирәк. Аларның сату хокукы сертификат белән раслана, ул, гадәттә, товар карточкасында яки «Документлар» бүлегендә урнаштырыла», – дип йомгаклады белгеч.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез