Сорауга юрист Булат Закиров җавап бирде.
Физик затлар керемнәренә салым (НДФЛ) түләнә:
* хезмәт хакыннан, хезмәт килешүе буенча башка түләүләрдән;
* 5 елдан кимрәк вакыт дәвамында милектә булган фатир яки йорт сатудан. Мираска якын туганыңнан бүләккә алынса, сатылган торак бердәнбер милек булса – 3 ел вакыт каралган;
* сатып алынуына 3 елдан кимрәк вакыт узган машина сатудан;
* банкка салынган акча буенча билгеле бер күләмнән арткан процентлардан;
* елына 4 мең сумнан арткан күләмдә лотерея отудан;
* дус-ишләр, хезмәттәшләр һәм танышлар бүләк иткән күчемсез милектән, машина, акцияләрдән, бизнестагы өлештән.
Салым салынмый:
* пенсиягә, стипендия, әйтик, йөклелек һәм бала тудыру буенча төрле түләүләргә;
* билгеле бер шартлар үтәлгән очракта, ике һәм күбрәк балалы гаиләнең торак саткан акчасына. Мәсәлән, фатир сатудан кергән акча зуррак мәйдандагы яңа торак сатып алуга тотылса;
* якын туганнар – ата-ана, ир (хатын), балалар, әби-бабай, бертуган абый-эне, апа-сеңелләр бүләкләренә.
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез