Мондый мөмкинлек «Россия Федерациясендә халыкны эш белән тәэмин итү турында»гы законның 51 статьясында каралган. Моның өчен гражданинга мәшгульлек хезмәтенә мөрәҗәгать итәргә һәм эшсез статусын алырга кирәк.
«Белгечләр белем, квалификация, тәҗрибә, эш урыны һәм хезмәт хакын исәпкә алып туры килә торган вакансияләрне сайлап алачак», – дип билгеләп үтте Волошин RT белән әңгәмәдә.
Әгәр кешене эшкә урнаштырып булмаса, аңа пенсияне билгеләнгән вакытыннан алда рәсмиләштерергә тәкъдим итәргә мөмкиннәр.
Шул ук вакытта ир-атлар өчен кимендә – 25 ел, хатын-кызлар өчен 20 ел иминият стажы таләпләрен үтәргә кирәк. Моннан тыш, 2026 елда ким дигәндә 30 индивидуаль пенсия коэффициентын туплау таләп ителә.
Эш белән тәэмин итү хезмәте стаж турында мәгълүматны Россиянең социаль фондыннан соратып ала. Документларны тикшергәннән соң гражданинга пенсияне вакытыннан алда билгеләү турында шәхси тәкъдим бирелә. Әгәр ул риза булса, документлар Социаль фондка җибәрелә, ул соңгы карарны кабул итә.
Пенсияне тиешле тәкъдим бирелгән көннән билгелиләр, дип ачыклык кертте сенатор.
Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез