Росреестр мәгълүматлары буенча, сентябрь аенда өлешләп төзелеш килешүләре буенча күчемсез милек сатуы – 24,1%, икенчел торак 17% диярлек арткан. Шәхси торак йортлар белән операцияләр саны якынча өчтән бергә арткан.
Столяров сүзләренчә, яңа йортлар һәм шәхси торак төзелеше базарындагы активлык өлешчә гаилә ипотекасы шартларының үзгәрүе белән аңлатыла. Күп гаиләләр, аерым алганда, җиде яшькә кадәр бер баласы булганнар, яңа шартлар гамәлгә кергәнче кредитлар рәсмиләштерергә тырышканнар.
Шул ук вакытта, икенчел базардагы операцияләрнең артуын белгеч сезонлылык белән бәйли. Август һәм сентябрь айларында, гадәттә, эш сезоны башына күченергә планлаштырган сатып алучылар активлаша.
«Бүген икенчел базар – иң активларның берсе», – дип билгеләп үтте Столяров.
Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез