Онищенко фикеренчә, бу карар укытучыларга өстәмә түләүләр таләп итәчәк һәм кече яшьтәге укучыларга кагылырга тиеш түгел. Ул билгеләп үткәнчә, әлеге мәсьәлә комплекслы якын килүне таләп итә, уку йөкләнешен һәм укытучылар хезмәт хакын исәпкә алырга кирәк, чөнки педагогларның хезмәт хакы уку сәгатьләренә генә түгел эш көннәре санына да бәйле.
Моннан тыш, җәй көннәрендә күп кенә мәктәпләрдә ремонт эшләре алып барыла, бу инициативаны гамәлгә ашыруны катлауландыра.
Онищенко сүзләренчә, тәкъдимне шунда ук хупларга яки кире кагарга ярамый – каникулны кыскартканда мөмкин булган яшь төркемнәрен анализлау кирәк. Ул ассызыклаганча, башлангыч сыйныфлар өчен мондый үзгәрешләр аеруча авыр булыр иде, чөнки кече яшьтәге балалар тулы ялга мохтаҗ.
Элегрәк Мәскәүдә бала хокуклары буенча вәкил Ольга Ярославская июнь аен уку ае итеп, аны иҗади дисциплиналарга багышларга тәкъдим иткән иде.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез