19 октябрь 2026 Яңалыклар

Белгечләр чаң суга: дөньяда өлкәннәрнең 60 проценты симерүдән интегәчәк

2050 елга кадәр дөньяда өлкәннәрнең 60 процентында һәм балаларның өчтән бер өлешендә диярлек артык авырлык яки симерү күзәтеләчәк.

Бу хакта илнең сәламәтлек саклау министры Михаил Мурашко XXI Бөтенроссия терапевтлар конгрессында белдерде. Аның сүзләренә караганда, симерү кеше сәламәтлеге өчен төп куркынычларның берсе булып тора. «Артык авырлык һәм симерүгә бәйле статистика борчуга сала», – ди министр.

Михаил Мурашко шулай ук Россия халкының 70 процентында инфекцион булмаган авыру таралуның ким дигәндә бер куркыныч факторы булуын да әйткән. Мондый факторларга алкоголь эчү һәм тәмәке тарту, дөрес тукланмау, аз хәрәкәтләнү керә. Министр сүзләренчә, куркыныч тудыра торган факторлар үлем күрсәткечләренә дә йогынты ясый. Шуңа күрә ил халкын сәламәт яшәү рәвешенә һәм чирләрне булдырмый калуга җәлеп итү мөһим, дип саный ул.

Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"