Биектауда министр белән район башлыгы бер сайлау участогында тавыш бирде

Участок Биектау тимер юл станциясе бистәсендә, район мәдәният йортында урнашкан. Район башлыгы кичә, министр бүген тавыш биргән. Тавыш бирүчеләрнең икесе дә районның һәм республиканың киләчәген билгеләүдә һәр кешенең катнашу мөһимлеген билгеләп үттеләр.

Биектау районында тавыш бирү көннәрендә 48 сайлау участогы эшли. Сайлау хокукына 50,6 мең кеше ия.

Исегезгә төшерәбез, 18-20 сентябрьдә республикада Тугызынчы чакырылыш Дәүләт Думасына депутатлар сайлау, Биектау бермандатлы сайлау округында Татарстан Дәүләт Советына өстәмә сайлау һәм республиканың 40 районында җирле үзидарә органнарына депутатлар сайлау уза.

БЕЗНЕҢ МАКС КАНАЛЫНА ЯЗЫЛЫГЫЗ!