31 октябрь 2025 Яңалыклар

Биш бала тапкан аналарга кайсы очракта 100 мең сум акча бирелә?

«Миңа 92 яшь. «Ватаным Татарстан»ны 35–40 елдан бирле бер хәрефен дә калдырмыйча укып барам. Газета битләрендә биш бала табып үстергән әниләргә 100 мең сум акча бирүләре турында язган идегез. Мин дә биш бала таптым. Шөкер, барысы да лаеклы кешеләр булып үстеләр. Акча кемнәргә бирелә?» дип язган Нурлат районының Чулпан авылыХалисә АНДАРҖАНОВА.

Сорауга Татарстан Хезмәт, халыкны эш белән тәэмин итү һәм социаль яклау министрлыгының матбугат хезмәте җавап бирде:

– 2000 елдан Татарстанда «Ана даны – Материнская слава» медале булдырылды. Ул биш һәм аннан да күбрәк бала тапкан һәм аларны лаеклы итеп тәрбияләгән аналарга бирелә. Биш бала тәрбияләгән аналарга бер тапкыр 100 мең сум күләмендә акча түләнә. Алты һәм аннан да күбрәк бала тәрбияләүче медаль ияләренә исә бишенчесеннән соң, һәр бала өчен бер тапкыр бирелә торган түләү күләме 20 мең сумга арта. 2000 елдан бирле әлеге медаль белән 1,6 мең хатын-кыз бүләкләнгән. 2024 елда «Ана даны» медален – 62, 2025 елның гыйнвар–август айларында 50 ана алган.

Шунысы да бар: медаль бирелгән вакытта балигъ булмаган балалар саны бердән дә ким булмаска тиеш. Моннан тыш, медаль алуның тагын бер шарты – Россия гражданины булып, Татарстанда биш елдан озаграк яшәү.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",