2024 елның 28 декабрендәге 529-ФЗ номерлы Федераль закон белән ЕГРЮЛ һәм ЕГРИП реестрларына ОКВЭД кодлары турында мәгълүматны кертү һәм күрсәтүнең яңа тәртибе булдырылды. Элегрәк реестрларда хуҗалык итүче субъектлар дәүләт теркәлүе узган вакытта үзләре тәкъдим иткән кодлар күрсәтелгән иде.
Хәзер ЕГРЮЛ һәм ЕГРИПта ике төрле ОКВЭД коды каралган: гаризалы, аларны бизнес теркәлгән вакытта үзләре билгели һәм хисаплылар. Соңгылары Росстат тарафыннан статистик мәгълүматлар нигезендә икътисади эшчәнлек төрләре буенча процент өлешләрен күрсәтеп исәпләнә.
2026 елдан башлап, Росстат ел саен бу мәгълүматларны Федераль салым хезмәтенә 10 апрельгә кадәр тапшырачак.
Теләгән һәркем ЕГРЮЛ һәм ЕГРИПтан электрон күчермәләр ала ала, аларда процент өлешләрен күрсәтелмичә ОКВЭД кодлары турында мәгълүмат бар. Бу мәгълүматлар Россия ФНС сайтында «ЕГРЮЛ/ЕГРИПтан электрон мәгълүмат бирү» һәм «Прозрачный бизнес» хезмәтләрендә бар. Шул ук вакытта, икътисади эшчәнлек төрләренең процент өлешләре турындагы мәгълүматлар ачык басмада урнаштырылмаячак.
Юридик затлар һәм шәхси эшмәкәрләр ЕГРЮЛ яки ЕГРИПтан электрон күчермәләрне, ОКВЭД кодларын һәм аларның процент өлешләрен күрсәтеп, үзләре өчен генә ала алачак. Моның өчен «Государственная онлайн-регистрация бизнеса» хезмәте каралган.
Сүз уңаеннан, хәзерге вакытта «Нәтиҗәле конкурентлыкка сәләтле икътисад» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез