БРИКС саммиты вакытында Казанга хакерлар тарафыннан моңарчы тиңе булмаган һөҗүм ясалган. Бу хакта саммит йомгакларына багышланган брифингта Татарстан Премьер-министры урынбасары - Министрлар Кабинеты Аппараты җитәкчесе Шамил Гафаров әйтте.
"Саммит көннәрендә секундына 175 миллион запрос ясалды. Чагыштыру өчен, "Киләчәк уеннары" вакытында әлеге күрсәткеч секундына 1 миллион тәшкил итте", - диде ул.
Шамил Гафаров әйтүенчә, безнең мәгълүматлаштыру системасы сынатмады. "Хөкүмәт һәм банклар инфраструктурасына моңарчы тиңе булмаган һөҗүм ясалды", - диде Татарстан Премьер-министры урынбасары.
Аның сүзләренә караганда, гадәттән тыш хәл китереп чыгармауны республика белгечләре тәэмин иткән.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез