«Чәршәмбе көнне Татарстан башкаласында суыта. Көндез термометрның терекөмеш баганасы +1 градустан өскә күтәрелмәячәк. Явым-төшем көтелми, әмма дымлылыкның югары булу сәбәпле, салкынча. Шул ук вакытта секундына 3 метрга кадәр тизлектә талгын гына җил», – дип билгеләп үткән синоптик.
«Шәһәрдә чәршәмбедән пәнҗешәмбегә каршы төндә бозлы яңгыр, хәтта кар яварга мөмкин. -1 градуска кадәр суыта. Әмма көндез шәһәргә җылы һава үтеп керәчәк. Шул сәбәпле яңгыр гына явачак.
«Пәнҗешәмбе көндез Казанда һава температурасы +5...+7 градуска кадәр күтәреләчәк. Җомга көнне дә шулай ук булачак. Соңгы эш көннәрендә җил берникадәр көчәеп, секундына 9-14 метрга кадәр җитәчәк», – дип билгеләп үткән Ильин.
Республика буенча һава торышына килгәндә, сишәмбе – 11 ноябрьдә көндез +4...+5 градус, яңгыр. Чәршәмбе – 12 ноябрьдә температура 0 градуска төшәчәк. Явым-төшем көтелә.
«Пәнҗешәмбе көнне җылы һава агымы үтеп керәчәк. Әмма көндезге сәгатьләрдә 0...+7 градус кына. Җомгада көндез республиканың күпчелек территориясендә +5...+7 градуска кадәр җылыта», – дип йомгак ясаган сүзенә Ильин.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез