Татарстан Рәисе Рөстәм Миңнеханов бүген ТР Дәүләт Советына республиканың эчке һәм тышкы хәле турында еллык юллама белән мөрәҗәгать итәчәк. Чара VII чакырылыш парламентының 14 нче утырышы кысаларында узачак.
Утырыш Салих Сәйдәшев исемендәге Дәүләт Зур концерт залында узачак һәм иртәнге сәгать 10 да башлана. Радио һәм телевидениедән Рөстәм Миңнеханов чыгышын турыдан-туры трансляцияләү оештырылачак.
Чарага барлыгы 670 кеше: Татарстан хакимиятенең барлык тармаклары җитәкчеләре һәм федераль хакимият органнары вәкилләре, шулай ук сәнәгать предприятиеләре җитәкчеләре, сәламәтлек саклау, мәгариф һәм фән, иҗади интеллигенция, кече һәм урта бизнес предприятиеләре, сәяси партияләр, иҗтимагый берләшмәләр, дини конфессияләр, республиканың барлык муниципалитетлары вәкилләре чакырылган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез