“Төнлә Россиянең Кара диңгез буена кечерәк кенә метеорит җимерелеп төшкән”. – диелгән хәбәрдә. Лабораториядә билгеләп үтелгәнчә, төрле шәһәрләрнең урамнарын күзәтү камераларындагы видеоязмаларга караганда, бу хәл Мәскәү вакыты белән 22:24-22:36 сәгать аралыгында килеп чыккан.
Метеоритның төшүен Новороссийск, Ростов һәм Анапа шәһәрләрендә күргәннәр. Аны яр буйлап 100-200 чакрым ераклыкта урнашкан торак пунктларда күзәтергә мөмкин булган. Метеоритның берничә дистә сантиметрдан ярты метрга кадәр озынлыкта булырга тиешлеген әйтәләр.
Шул ук вакытта галәмнән ниндидер техник әйбернең җимерелеп төшү ихтималы да юк түгел, дигән фикердә белгечләр. Лабораториядә аныклап үтелгәнчә, метеоритның нәкъ менә кайда җимерелүе турында төгәл генә мәгълүматлар юк. Барыннан да элек Кара диңгез өстендәдер, дип уйланыла. Объектның 8 март көнне Германиягә төшкән метеоритка ниндидер бәйлелеге күзәтелми, дип өстәгәннәр ведомствода.
Сүз уңаеннан, хәзерге вакытта Татарстанда “Экологик иминлек” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез