16 гыйнвар 2026 Яңалыклар

Быел Россия Дәүләт Думасына депутатлар сайлау узачак

2026 елда Татарстан Үзәк сайлау комиссиясе эшчәнлегендә иң мөһим эш IX чакырылыш Россия Дәүләт Думасына депутатлар сайлауны югары дәрәҗәдә оештыруны тәэмин итү булачак. Бу хакта ТР Үзәк сайлау комиссиясенең яңа елдагы беренче 117 нче утырышында Комиссия рәисе Андрей Кондратьев белдерде, дип яза «Татар-информ».

«Тынычлык, профессиональлек, коллектив эшкә омтылу – безнең хезмәткәрләрнең бу сыйфатлары сайлау алды чорында аеруча мөһим булачак», – дип белдерә ТР Үзәк сайлау комиссиясе башлыгы.

Андрей Кондратьев Дәүләт Думасы депутатларын сайлауларга әзерлек чорында территориаль сайлау комиссияләренең яңартылган составлары мөһим роль уйнаячагына игътибар итте. Татарстанда 65 территориаль сайлау комиссиясе төзелде, аларның рәисләре билгеләнде. ТР территориаль сайлау комиссияләренең яңа составларына 2026 елда Дәүләт Думасы депутатларын, 2029 елда республика Дәүләт Советы депутатларын, 2030 елда Россия Президентын һәм Татарстан Рәисен сайлауны оештырырга кирәк булачак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",