Россиядә ел азагына кадәр торак бәясе үзгәрмәячәк. Фәкать икенчел базардан адреслы ипотека рөхсәт ителгән төбәкләрдә генә бәя үсәргә мөмкин. Россия Риелторлар гильдиясе вице-президенты Константин Апрелев “Татар-информ” хәбәрчесенә шул хакта сөйләп үткән.
“Минемчә, бәяләр тотрыклы булып калачак. Бәя үсү яки кимүгә таба бернинди дә үзгәрешләр булмаячак. Ник дигәндә, ихтыяҗ юк – төп ставка бик югары, ә ипотеканы нык чикләделәр. Сату-алу башлыча ипотекасыз гына булачак. Фәкать адреслы ипотека буенча гына алыш-бирешләр артырга мөмкин. Шуңа күрә икенчел базардан адреслы ипотекадан файдалануга рөхсәт ителгән төбәкләрдә генә ел дәвамында торак бәясенең 10-15 процентка кйммәтләнүе бар”, – дип билгеләп үткән белгеч.
Аның әйтүенчә, Үзәк банк төп ставканы киметкәнче, күчемсез милек бәясе үзгәрмәячәк.
“Төп ставкада үзгәрешләр башлангач кына – ә алар, минемчә, көз башыннан башланырга мөмкин – күчемсез-милек белән алыш-бирешләр берникадәр артырга мөмкин”. – дигән Апрелев.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез