Бу көннәрдә Казанда черкиләр саны арткан. КФУның фундаменталь медицина һәм биология институтының зоология кафедрасы доценты Николай Шулаев сүзләренчә, 2015, 2017 елларда шушы вакытта активлык күзәтелгән.
– Алар барысы да бервакытта да чыкмый. Салкыннарда черкиләр азрак оча. Көннәр җылыткач, чыга башлыйлар. Бу көннәрдә аларның артуын шуның белән аңлатып була. Июль башында черкиләр тагын да артырга мөмкин, – ди галим.
Аның сүзләренчә, черкиләр кичке 7дән соң аеруча активлаша.
Гадәттә, шәһәрләрдә ял итү урыннарында: балалар лагерьларында, ял итү базаларында бөҗәкләргә каршы препаратлар сибәләр.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез