Чжоу Лицюнь: «Татарстанның махсус икътисадый зоналары аны Кытай бизнесы өчен кызыклы итә»

Бу хакта “РОСТКИ” форумы кырларында Россиядә Кытай эшмәкәрләре берлеге рәисе Чжоу Лицюнь әйтте. Аның әйтүенчә, республиканың өстенлекле якларыннан берсе – биредә инвестиция проектларын гамәлгә ашыру өчен әзер инфраструктура бар. “Татарстанның махсус икътисадый зоналары, шул исәптән, үз заводлары һәм сәнәгать парклары бар. Моннан тыш, монда инвестицияләр өчен яхшы шартлар тудырылган”, – диде чит ил кунагы.

Ул, шулай ук, республиканың географик яктан уңайлы урнашуына һәм транспорт мөмкинлекләренә аерым игътибар итте. “Мәскәү ерак түгел, Идел бар – Татарстанның инвестицияләр җәлеп итү өчен өстенлекләре күп”, – диде Россиядә Кытай эшмәкәрләре берлеге рәисе. Чжоу Лицюнь киләчәктә Кытай бизнесының Татарстанга кызыксынуы үсәчәгенә ышаныч та белдерде.

БЕЗНЕҢ МАКС КАНАЛЫНА ЯЗЫЛЫГЫЗ!