08 июль 2026 Яңалыклар

Дәүләт Думасында никахны теркәү өчен дәүләт пошлинасын 1 сумга кадәр киметергә тәкъдим иттеләр

Дәүләт Думасының контроль буенча комитеты рәисе урынбасары, «Гадел Россия» фракциясе җитәкчесе урынбасары Дмитрий Гусев никахны теркәү өчен дәүләт пошлинасын киметү турындагы закон проектын хөкүмәткә карарга җибәрде. Бу хакта «ТАСС» хәбәр итә.

Хәзер ул 350 сум тәшкил итә, документ аны 1 сумга кадәр киметергә тәкъдим итә.

«Гаилә коруга дәртләндерергә кирәк, аны артык түләүләр белән йөкләргә ярамый. Дәүләт: «Без җаваплы адым ясаучыларны, гаилә коручыларны һәм үз киләчәген Россия белән бәйләүчеләрне хуплыйбыз», – дип күрсәтергә тиеш», – диде Дмитрий Гусев.

Аңлатма язуында билгеләп үтелгәнчә, пошлинаны киметү дәүләт хезмәтенең барлык категория гражданнар өчен дә үтемлелеген арттырачак, гаилә институтын ныгытачак һәм никахның абруен күтәрәчәк. Закон проекты хәзерге вакытта хөкүмәттә каралу стадиясендә.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга