Давыл вакытында югалган 28 яшьлек ир-атны эзлиләр

28 яшьлек ир-ат 29 июльдә Югары Осландагы давыл вакытында югалган.

Татарстан эзләү-коткару хезмәтенең 2 нче ЗПСО коткаручылары эхолот кулланып, ир-атның гәүдәсен трал ысулы белән эзлиләр. Бу хакта Россия гадәттән тыш хәлләр министрлыгының Татарстан буенча Баш идарәсенә хәбәр итте.

28 яшьлек Андрей Мошков 29 июльдә булган давыл вакытында Иделдән чыгып өлгермәгән. Әлеге хәл Татарстанның Югары Ослан районындагы Студенц авылы янында булган.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!