Парламентарий мөрәҗәгатендә, санитар кагыйдәләрнең гамәлдәге редакциясе таләпләрне төрлечә аңларга мөмкинлек бирә, дип күрсәтте. Аерым алганда, СанПиНда әйтелгәнчә, азык-төлек предприятиеләре биналарында бөҗәкләр һәм кимерүчеләр булмаска тиеш, шулай ук синантроп кошлар һәм хайваннар тотылмаска тиеш. Депутат сүзләренчә, мондый формулировка кафе һәм ресторан хуҗаларына өй хайваннары белән килүчеләрне кертү мөмкинлеген бирә, бу, аның фикеренчә, башка кунакларның мәнфәгатьләрен исәпкә алмый.
Останина кагыйдәләр пунктын ачыкларга тәкъдим итте: «Азык-төлек предприятиеләре биналарында бөҗәкләр, кимерүчеләр, синантроп кошлар һәм хайваннар булмаска тиеш».
Депутат шундый ук үзгәрешләрне сәүдә объектларына караган санитар таләпләргә дә кертергә тәкъдим итә.
Останина фикеренчә, бу чаралар санитар-эпидемиологик куркынычсызлыкны арттыруга һәм РФ Конституциясе белән ныгытылган гражданнарның сәламәтлекне саклау һәм уңайлы тирә-як мохит хокукын тәэмин итүгә ярдәм итәчәк.
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез