Ир белән хатын аерылышканнан соң, балаларга алимент түләү ата-ананың берсенә билгеләнә. Әмма, кайбер очракларда, ир яки хатын мондый түләүне элеккеге тормыш иптәшеннән үзе өчен таләп итә ала. Моның нинди очракларда мөмкин булуы турында «Татар-информ» агентлыгы хәбәр итә.
Үзе өчен алимент түләүне түбәндәге категориядәге татарстанлылар рәсмиләштерә ала:
- аерылышканнан соң 12 ай эчендә хезмәткә сәләтсез элеккеге ир яисә хатын, әмма икенче ир яисә хатын хезмәткә сәләтле булу шарты белән;
- аерылышканчы көмәнле булган элекке хатыны;
- өч яшькә кадәрге уртак бала тәрбияләүче элекке ир яисә хатын (бу очракта алиментны үзеңә дә, балага да алырга мөмкин);
- 18 яшькә кадәрге уртак инвалид баланы яки балачактан беренче төркем инвалидны караган элекке ир яисә хатын (бу очракта алиментны үзеңә дә, балага да алырга мөмкин);
- элекке пенсионер ир яки хатын, аерылышканнан соң 5 елдан да соңга калмыйча пенсиягә чыккан очракта.
Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез