Новосибирскида эт очраклы рәвештә Фадеев урамындагы фатирда шартлау китереп чыгарган. Ялгызы гына өйдә калгач, ул тешләре белән газ плитәсенең конфоркаларын ача, аның өстендә дихлофос баллоны торган була, дип яза ТАСС.
Фатир хуҗасы аэрозолны китәр алдыннан плитәдә калдырып, куркыныч турында уйламаган. Эт, борылыш тоткалары белән кызыксынып булса кирәк, аларны кимерә башлаган - конфоркалардагы теш эзләре нәрсә булганлыгы турында сөйли. Ут баллонны кыздырган һәм шартлау килеп чыккан.
Фатирның тышкы ишеге бәреп чыгарылган, бүлмәләр һәм балкон ишекләренең пыялалары ватылган. Ут обойларга һәм җиһазларга зыян китергән. Россия Гадәттән тыш хәлләр министрлыгының Новосибирск өлкәсе буенча Баш идарәсендә хәбәр итүләренчә, күпэтажлы йортта яшәүчеләргә бәхет елмайган - ялкын үзеннән-үзе сүнгән, югыйсә нәтиҗәләр шактый җитдирәк булырга мөмкин иде.
Урынга янгын сүндерүчеләр килгәндә, янгын туктаган була. Эт балконга качырга өлгергән һәм зыян күрмәгән.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез