«Фидакарь хезмәт өчен» медале нинди өстенлекләр, ташламалар бирә?

Лаеш районыннан укучыбыз Гөлия Хәбибрахманова: «Узган ел «Фидакарь хезмәт өчен» медале алган идем. Аның нинди өстенлекләре, ташламалары бар икән?» дип сораган.

Татарстан Хезмәт, мәшгульлек һәм социаль яклау министрлыгының матбугат үзәге:

– «Фидакарь хезмәт өчен» медале түбәндәге өстенлекләр бирә: ай саен 630 сум күләмендә акчалата түләү; торак мәйданының Татарстанда билгеләнгән социаль нормасы чикләрендә торак өчен түләү чыгымнарының 50 проценты күләмендә субсидия; халык өчен хезмәт күрсәтүләрнең билгеләнгән нормативлары чикләрендә коммуналь хезмәтләр өчен түләүгә чыгымнарның 50 проценты, ә үзәктән җылытылмаган йортларда яшәүчеләргә – халыкка сату өчен билгеләнгән нормалар чикләрендә сатып алына торган ягулык бәясеннән һәм әлеге ягулыкны китерү буенча транспорт хезмәтләре өчен түләүгә чыгымнарның 50 проценты күләмендә субсидия;абонентка даими файдалануга бирелгән телефон элемтәсе линия челтәрләре, радио, коллектив антенна өчен чыгымнарны тулысынча каплау.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",