«Татмедиа» галереясендә «Татарстан» журналы Минзәләнең мактаулы гражданы, фотохәбәрче Виктор Тёминның «Сугыш. Беренче көннән ахыргы көнгә кадәр» дигән күргәзмәсе ачылды.
Виктор Тёмин — СССРда «фоторепортаж короле» дип танылган оста. Аның «Җиңү байрагы Рейхстаг өстендә» дигән сурәте 1945 елның 1 маенда, Берлиндагы сугышлар вакытында төшерелгән һәм дөньяның иң зур гәзитләрендә басылган.
Виктор Тёмин үзенең беренче фотосурәтен 7 яшендә Минзәлә мәктәбендә укыганда төшерә. Ул — барлык сугыш байракларын төшергән бердәнбер фотограф.
Бүген аның фотосурәтләре Минзәләнең туган якны өйрәнү музеенда саклана.
Быел Россиядә Бөек Җиңүнең 80 еллыгы билгеләп үтелә. Россия Президенты Владимир Путин карары нигезендә 2025 ел Ватанны саклаучылар елы дип игълан ителде. Җиңү бәйрәме алдыннан Татарстан Республикасы Рәисе Рөстәм Миңнеханов сугыш ветераннарына бүләкләр тапшырды.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез