08 гыйнвар 2026 Яңалыклар

Гадәттән тыш хәлләр министрлыгы томан һәм бозлавык турында кисәтә

9 гыйнварда Татарстанда һәм Казанда урыны белән томан фаразлана, дип хәбәр итә республиканың Гидрометеорология үзәге.

Юлларда көндез дә, төнлә дә көчле бозлавык булуы, томан төшүе ихтимал, бу транспорт хәрәкәтен кыенлаштырырга мөмкин.

Россия Гадәттән тыш хәлләр министрлыгының Татарстан буенча Баш идарәсе урамнар һәм юлларда игътибарлы булырга киңәш итә.

Машина йөртүчеләргә ерак араларга йөрмәскә һәм кискен маневрлар ясамаска киңәш иттеләр. Автомобиль сөючеләргә томан дистанцияне кабул итүне бозып күрсәтүен истә тотарга кирәк. Бу очракта гадәттәгедән акрынрак бару, башка машиналарга кадәр зурайтылган араны тоту һәм максималь салмак тормозга басу яхшырак.

Җәяүлеләргә шулай ук аеруча уяу булырга кирәк, бигрәк тә юлларны кичкәндә яисә машина юлы янәшәсендә булганда, диелә хәбәрдә.

Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",