14 май 2026 Яңалыклар

Гана Россия белән мәгариф өлкәсендә хезмәттәшлек итәргә тели

Гана Россия белән мәгариф өлкәсендә хезмәттәшлек итәргә тели. Бу хакта «Россия – Ислам дөньясы: КазанФорум» XVII халыкара икътисадый форумында Гана–Россия сәүдә һәм элемтәләр үзәге башкарма директоры Джон Аггрей хәбәр итте.

«Безнең төп кызыксыну мәгариф өлкәсенә бәйле. Без игътибарны инженериягә, авыл хуҗалыгына юнәлтәбез. «КазанФорум» ярдәмендә бездә киләчәктә халыкара хезмәттәшлек өчен мөмкинлекләр барлыкка килә. Безнең өчен бу зур дәрәҗә», – диде ул.

Джон Аггрей шулай ук Гананың Татарстан белән кызыксынуын да белдерде. Ил республика белән хезмәттәшлек мөмкинлекләрен өйрәнәчәк.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",