«Гарәп Әмирлекләре хатын-кыз җитәкчеләр күп булганга бай яши»

Бүгенге көндә Гарәп Әмирлекләрендә хөкүмәт органнарының яртысы белән хатын-кызлар идарә итә һәм югары звено инженерларның 65%ы – шулай ук гүзәл затлар. Шуңа күрә дә безнең илебез бай.

«Россия – Ислам дөньясы: КазанФорум» XVII халыкара икътисадый форумы кысаларында узган «Хатын-кыз карашы» трегы барышында Берләшкән Гарәп Әмирлекләре эшлекле хатын-кызлар советы рәисе Аиша Мөхәммәд Әл-Мулла шулай дип белдерде.

Аның сүзләренчә, җитәкче урыннарда булган хатын-кызларның 78,8 проценты яшьләр.

– Алар 6 миллиард күләмендә бәяләнә торган базарны контрольда тота. Казанга үзебезнең тәҗрибә белән бүлешәсем килеп килдем. Минем төп максатым хатын-кыз эшкуарларга ярдәм итү. Безгә уңышка ирешү бик авыр. Һәм моны бары тик дәүләт тарафыннан ярдәм булганда гына ирешеп була. Безнең ил җитәкчелеге һәрвакыт хатын-кызларга ярдәм кулы суза. Шуңа күрә дә без алдынгылар рәтендә, -диде Аиша Мөхәммәд.

Татарстан Дәүләт Советының «Мәрхәмәт-Милосердие» хатын-кыз депутатлар берләшмәсе җитәкчесе Алсу Нәбиева сөйләвенчә, тректа катнашу өчен төрле илләрдән килгән хатын-кызларны беренче чиратта безнең милли киемнәребез һәм ризыкларыбыз кызыксындырган.

– Хатын-кызлар һәрвакыт матурлыкка омтыла, шуңа күрә дә алар безнең изү-хәситәләребез, калфакларыбыз белән сокланды. Аларны тегү, эшләү процессы белән кызыксынды. Ике көн дәвамында «Хатын-кыз» трегы кысаларында алты чара уздыру барышында без Ислам дөньясы илләрендә тармакларның цифрлы трансформациясе мәсәләләренә дә тукталачакбыз. Безнең төп максат Казанга килгән кунакларда икенче елга да чарага әйләнеп кайту теләген уяту, – диде Алсу Нәбиева.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",