Киләсе елдан үзмәшгульләр социаль фондта ирекле рәвештә иминиятләштерелсәләр һәм даими рәвештә взнослар кертсәләр, түләүле больничныйлар рәсмиләштерә алачак. Бу хакта Россия Премьер-министры Михаил Мишустин әйтте дип яза ТАСС агентлыгы.
Мишустин сүзләренчә, взносның максималь күләме елына 35 яки 50 мең, шул ук вакытта айлык түләүләр якынча 1 300 – 1 900 сум була, төгәл сумма стажга һәм башка факторларга бәйле.
«Сәламәтлеккә бәйле проблемалар, әлбәттә, кешене керемсез калдырып, кесәгә сугарга мөмкин. Социаль иминиятләштерүдә ирекле катнашу – мондый очракларда үз иминлегеңне кайгырту», – диде Мишустин.
Үзмәшгульләр өчен эксперименталь салым режимы белән беррәттән 2028 ел ахырына кадәр гамәлдә булачак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез