Үзе әйтүенчә, хатыны булырга лаеклы кыз тапса, шундук аңа тәкъдим ясаячак. Артист TatNews Tatar хәбәрчесе белән әңгәмәсендә шул хакта сөйләп үткән, дип яза “KazanFirst”.
– Үз кешеңне табып, аның янәшәсендә булудан, никахлашканчы да, никахлашкач та тугры булып яшәүдән яхшысы юк. Өйләнмәгәнмен икән, үземә туры килгән кешене таба алмаганмын әле, димәк. Әти-әнидән никахлашуга ризалык алыргамы, дип сорыйсызмы? Әти дә, әни дә бу кеше белән яшәмәячәк бит.
Шулай да аларның хуплавы начар булмас иде, – дип билгеләп үткән Марат Яруллин. Тәкъдим ясаганчы, күпме вакыт очрашып йөрергә кирәк, дигән сорауга, Марат тәгаен генә санны әйтә алмавын, әмма, 1-2 ел җитәдер, дип уйлавын билгеләп үткән. Ул шулай ук, бер-берсенә туры килүләрен аңлау өчен, туй алдыннан сөеклесе белән бераз яшәп карауга каршы килмәячәген әйткән. Җырчы әлегә ялгызы яши.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез