Татарстанның Яңа Чишмә районында муниципаль совет карары белән муниципалитет Башкарма комитеты җитәкчесе вазифаларын башкаручы билгеләнде. Бу хакта Яңа Чишмә районы Советының рәсми сайты хәбәр итә.
Башкарма комитет башлыгы вазифаларын Ринат Фәсахов башкарачак. Элегрәк Башкарма комитет җитәкчесе Егор Тарнавский булды, ул район башлыгы вазифасына билгеләнү сәбәпле, үз вәкаләтләрен вакытыннан алда туктатты.
Совет карары 2025 елның 23 сентябреннән үз көченә керде. Документны тулысынча монда карарга мөмкин.
Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез