Бу акчалары банк счетларына күчүчеләргә кагыла. Бу хакта ТАССка Дәүләт Думасы депутаты Алексей Говырин хәбәр итте.
Күчерү гадәти график буенча 3, 5 һәм 8 гыйнварда килергә тиешле түләүләргә кагылачак. Аерым алганда, 17 яшькә кадәрге балаларга һәм йөкле хатын-кызларга бердәм пособие, яшь ярымга кадәр бала карау буенча түләүләр, шулай ук чакырылыш буенча хәрби хезмәткәрнең баласына пособие вакытыннан алда күчереләчәк.
Моннан тыш, декабрь ахырында өч яшькә кадәрге балаларга ана капиталыннан айлык түләү күчәчәк. Акчаны вакытыннан алда яшь ярымга кадәр бала карау буенча пособие каралган эшләүче ата-аналар да алачак.
Гыйнвар пособиеләре февральдә гадәти график буенча киләчәк. Депутат ачыклык керткәнчә, пенсия һәм балалар пособиеләрен түләү даталары аерылырга мөмкин. Пособиеләрне почта аша алучыларга үз бүлекчәләрендә илтү графигын төгәлләштерергә кирәк. Төбәк түләүләре даталары шулай ук ведомство расписаниесенә бәйле.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез