Мәскәү белән Казанны тоташтырачак М-12 түләүле автомобиль юлын төзүгә 500 миллиард сумнан артыграк акча тотарга җыеналар.
«Автодор» компаниясе дәүләт сатып алулар сайтына юлның төрле этапларын төзүгә 8 тендер урнаштырган. Татарстан һәм Чуашстан аша Идел күпереннән узачак юл өлеше иң кыйммәтлесенә әйләнәчәк. Трассаның бу этабы 123 миллиард сумнан артыгракка төшәчәк. Исегезгә төшерәбез: «Европа – Көнбатыш Кытай» федераль проектына кертелгән М-12 түләүле юлын 2024 елга төзеп бетерергә ниятлиләр. Аның аша Казаннан Мәскәүгә 6,5 сәгать эчендә барып җитәргә мөмкин булачак. Түләүле юл җиңел машина белән барганда 1600 сумга төшәчәк.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез