Казанда «Яшел десант» дип аталган экологик проект буенча укыта башлыйлар. Анда катнашучылар агачларны киселүдән коткарачак. Бу хакта «Татар-Информ»да узган очрашуда «Яшел десант» проекты җитәкчесе Артем Хаҗиев сөйләде. Проект кысаларында электр линияләре астына туры килгән агачларны башка җиргә күчереп утыртачаклар.
– Әлеге проект Татарстан урманнарын саклауга юнәлдерелгән. Без агачларны кисәргә түгел, сакларга тиеш, – диде ул.
Татарстанның экология һәм табигать ресурслары министрлыгының мәгълүмати системалар һәм экологик белем бирү бүлеге җитәкчесе Дамир Вәлиуллин әлеге чара башланып китәчәк чистарту санитар икеайлыкка старт бирәчәк, ди.
– Яшьләр арасында тормышка ашырылучы проектлар күп. Аларның күбесе дәүләт ярдәме белән башкарыла. Грант отарга да куркырга кирәкми. Без бар гамәлебез белән табигатьне сакларга тиеш, – диде ул.
Исегезгә төшерәбез, әлеге эшләр «Экологик иминлек» илкүләм проекты ярдәме белән тормышка ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез