Яшел Үзән районында фаҗига: юл һәлакәтендә алты яшүсмер үлгән

Татарстан Дәүләт автоинспекциясе хәбәр иткәнчә, бүген төнлә Татарстанның Яшел Үзән районында юл-транспорт һәлакәте булган. Chevrolet йөртүчесе тизлекне арттырып, агачка бәрелгән, шуннан соң автомобиль яна башлаган. Йөртүче һәм биш пассажир һәлак булган. Тагын бер пассажир авыр хәлдә хастаханәгә озатылган.