29 октябрь 2025 Яңалыклар

Идел буе федераль округына пилотсыз очкычлар һөҗүме арткан

Идел буе федераль округы быел 2022–2024 еллар белән чагыштырганда пилотсыз очкычлар һөҗүменә 3 тапкыр ешрак дучар булган. Россия Иминлек советы секретаре Сергей Шойгу әйтүенчә, СВО шартлары, тулаем, илдәге һәм, аерым алганда, Идел буе федераль округындагы оператив хәлне тамырдан үзгәрткән.

Чит илләрнең махсус хезмәтләре диверсияләр ясау өчен илнең мөһим объектларына үтеп керергә омтыла. Куркыныч чит дәүләтләрнең разведка хезмәтләреннән дә, халыкара террорчылык оешмаларыннан да яный.

Сергей Шойгу сүзләренә караганда, сүз, шартлаткыч һәм пилотсыз очкычлардан файдаланып, террорчылык актлары кылу, объектларны юк итү турында гына бармый. Шулай ук киберһөҗүмнәргә каршы көрәш мәсьәләсе дә кискен тора, дигән ул. Дошманның мәгълүмат урлау һәм технология диверсиясе оештыру ниятеннән әһәмияле дәүләт һәм сәнәгать объектларына үтеп керү куркынычы бар. Иминлек советы секретаре белдергәнчә, Президент Владимир Путин илдәге мөһим объектларны саклауны көчәйтү өчен ихтыярыйлар төркемнәрен булдыру турындагы тәкъдимне хуплаган.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

СВО, эвакуированные, эвакуируемые, донбасс, днр, лнр , донецк , луганск , донецкая , луганская , переселенцы , украина , фейк , санкции , импортозамещение , "служба по контракту" , мобилизация , мобилизованные , "специальная военная операция" , "герой ро