Ильмира Нәгыймова гомрә хаҗында вакытта СВОдагы егетләрнең исәнлеге өчен дога кылды

Күптән түгел җырчының бертуган энесе дә СВода һәлак булган иде. Ильмира әйтүенчә, аңа көн саен якыннары СВОда булганнардан дога кылуын сорап хатлар килә. Ниһаять, ул аларның гозерләрен үтәгән.

Фото: социаль челтәрдән

– СВОдагы кешеләр турында язганда аеруча күңелемә тия, – ди җырчы күз яшьләрен тыеп тора алмыйча. – Мин үзем һәм мәрхүм энем өчен гомрә хаҗы үтәргә килдем. Монда язганнар: "Зөлфәт Зиннурович сугышлардан үз аягында, үз акылында әйләнеп кайтсын», – дип. Һәммәгезнең дә яраткан кешеләрегез, улларыгыз, балаларыгыз, ирләрегез сугышта икән, Аллаһым, үз акыларында, үз аякларында исән-сау әйләнеп кайтсыннар! Амин амин, амин, - ди җырчы.