17 июль 2026 Яңалыклар

«Иминлек һәм Ватанны саклау нигезләре» дәресләре ике мәҗбүри курска бүлеп укытылачак

Россия Мәгариф министрлыгы боерык проекты нигезендә 2026 елның 1 сентябреннән «Иминлек һәм Ватанны саклау нигезләре» (ОБЗР) предметы ике мәҗбүри курска бүленәчәк – «Тормыш иминлеге» һәм «Башлангыч хәрби әзерлек». Бу хакта «ТАСС»ка министрлыкның матбугат хезмәтендә хәбәр иттеләр, дип яза «Татар-информ».

«Тормыш иминлеге» курсы көнкүреш приборлары белән куркынычсыз эш итү, янгыннар һәм коммуналь аварияләр вакытында гамәлләр, юл куркынычсызлыгы, гадәттән тыш хәлләр һәм табигать катаклизмнары вакытында үз-үзеңне тоту темаларын үз эченә алачак. Аерым бүлек цифрлы куркынычсызлык мәсьәләләренә багышланачак.

«Башлангыч хәрби әзерлек» курсы кысаларында укучылар илкүләм иминлек, гражданнар оборонасы нигезләрен, индивидуаль саклану чараларын куллану кагыйдәләрен, эвакуация вакытында эш итү тәртибен, гомумхәрби уставларны һәм беренче ярдәм күрсәтүне өйрәнәчәкләр. Шулай ук программага экстремизмга һәм террорчылыкка каршы тору темалары да кертеләчәк.

Яңа кагыйдәләр сигезенче сыйныфка күчеп, 2026/27 уку елында унынчы сыйныфка кергән укучылар өчен 2026 елның 1 сентябреннән гамәлгә керер дип планлаштырыла.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга