– Авыр булды. 4 ай буе чит илдә – олы балаларымнан читтә яшәргә туры килде. Әниләр мине аңлар. Өстәвенә йөклелек вакытында каты авырып киттем. Әмма мин зарланырга яратмыйм. Дарулар эчтем, ә алар карынымдагы балама зыян китерергә мөмкин иде. Шуннан, егылып, сабыемның хәрәкәтләнүен тоймый башладым. Тормышымдагы катлаулы чор иде бу, депрессиягә бирелдем. Бик күп дәваландым, хәлемне һич аңлый алмадым. Әмма бу хакта язылучыларыма сөйләмәдем. Миңа шуның кадәр авыр булды: башка беркайчан да елмая алмас кебек идем.
Барысы да йөклелек вакытында килеп чыкты: үзем турындамы, карынымдагы бала турындамы кайгыртырга икәнен белмәдем. Өстәвенә авыруым аркасында инвалид калу куркынычы бар иде, – дип уртаклашкан Лилия Хәйруллина.
Җырчы әйтүенчә, аңа дарулар билгели алмаганнар, чөнки сәламәтлегендәге проблеманы аңламаганнар. Кыенлыклардан соң сәламәтлегеңне ныграк бәяли башлыйсың икән, дип, килеп туган шушы авыр хәлләрдән соң фикере үзгәрүен әйткән ул.
Лилиянең сәламәтлегендә кайбер проблемалар калган әле, әмма хәзер үзен күпкә яхшы хис итә икән. Ул үзенә ярдәм иткән табибларга рәхмәтләрен җиткергән.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез