20 гыйнвар 2026 Яңалыклар

Йөртүчеләргә парковка өчен түләүдә яңалыклар көтелә

Россиядә парковка өчен түләүне соңыннан – берничә көн узгач кына рөхсәт итәргә мөмкиннәр. Транспорт министрлыгында бу җәһәттән закон проекты әзерлиләр, дип яза «ТАСС».

«Новые люди» фракциясе депутатлары запросына министрлык җавабыннан соң төзәтмәләрнең әзерләнүе турында мәгълүм булган. Закон проектында күздә тотылганча, йөртүчеләр 5 тәүлек эчендә парковка өчен түләү мөмкинлеге алачак. Россиядә юл хәрәкәтен оештыру турында законга тиешле төзәтмәләр кертү планлаштырыла.

Әмма әлеге башлангыч кайбер белгечләрдә шикләнү уяткан. Транспорт министрлыгының Федераль юл агентлыгы Иҗтимагый советы әгъзасы Игорь Моржаретто фикеренчә, йөртүче парковканың бушлай түгеллеген аңласын өчен бик төгәл хәбәр итү системасы кирәк. «Парковка өчен түләмәүчеләр асылда аның түләүле икәнен белми. Шуңа күрә 5 көнлек вакыт аларга берничек тә ярдәм итмәячәк», – дигән ул.

Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис