04 февраль 2026 Яңалыклар

Җитәкчеләргә иминият кертемнәрен түләү буенча яңа кагыйдәләр гамәлгә керде

1 гыйнвардан коммерция компанияләре өчен җитәкчеләргә иминият кертемнәрен түләү буенча яңа кагыйдәләр гамәлгә керде. Әгәр директорга яки башка бер кешелек башкарма органга айлык түләүләр федераль минималь хезмәт хакыннан түбәнрәк булса, иминият кертемнәрен минималь базадан чыгып исәпләргә кирәк, дип хәбәр итә Федераль салым хезмәте матбугат хезмәтенә сылтама белән «Татар-информ».

Бу таләп, җитәкченең хезмәт функцияләрен үтәвенә, аның белән хезмәт килешүе төзелүенә һәм аңа хезмәт хакы түләнүенә карамастан, ай саен кулланыла.

Иминият кертемнәрен исәпләү өчен минималь база хезмәт өчен түләүнең минималь күләменә тигезләнә. 2026 елда ул 27 093 сум тәшкил итә.

Хәтта директор иҗтимагый башлангычларда эшләсә дә, аның өчен иминият кертемнәре бу суммадан түбәнрәк исәпләнергә тиеш түгел.

Федераль салым хезмәте шулай ук аерым очракларда яңа кагыйдәне куллану тәртибен аңлатты. Әгәр бер кеше берьюлы берничә компаниядә җитәкче булса, аларның һәркайсы иминият кертемнәрен исәпләү өчен минималь базаны кулланырга тиеш.

Әгәр оешма уставында берничә бер кешелек башкарма орган булса, минималь хезмәт хакы аларның һәркайсы буенча түләүләргә карата аерым кулланыла.

Яңа тәртип җитәкчеләрнең пенсия хокукларын тулысынча формалаштыру өчен кертелә, чөнки индивидуаль пенсия коэффициенты исәпләнгән иминият кертемнәре суммасына турыдан-туры бәйле.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис