Хәзерге көндә Россиядә машина йөртүчеләрнең 55 проценты – ир-атлар, ә 45 проценты – хатын-кызлар. Бу хакта «Татар-информ» агентлыгына автоэксперт, РФ Хөкүмәте каршындагы юл хәрәкәте иминлеге өлкәсендә закон чыгару буенча эшче төркем әгъзасы Дмитрий Попов хәбәр иткән.
Шул ук вакытта, автомәктәпләрдә төркемнәр исемлегендә ир-атлар һәм хатын-кызлар нисбәте тигез диярлек, ди белгеч.
Аварияләр статистикасына килгәндә, автоэскперт ир-атларның хатын-кызларга караганда юл-транспорт һәлакәтенә ешрак эләгүен әйткән.
«Ир-атлар юл-транспорт һәлакәтенә күбрәк юлыга. Алар машина белән идарә иткәндә «хәзер мин сезгә нинди икәнлегемне күрсәтәм» дип масаерга ярата», – дигән Дмитрий Попов.
Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез