Глебова аңлатуынча, тыелганнар исемлегенә 120дән артык төр хайван эләккән. Алар арасында иң еш очрый торганнары – сервал, гади төлке, бүреләр, юлбарыслар, леопардлар, селәүсеннәр, аюларның барлык төрләре, кобралар, дүрт метрдан артык зурлыктагы питоннар, агулы үрмәкүчләр, ябалаклар һәм тәвә кошлары.
Хокук бозу өчен административ җаваплылык РФ Административ хокук бозулар кодексының 8.52 маддәсе белән билгеләнгән. Гражданнар өчен штраф – 5 меңнән 15 мең сумга кадәр, вазифаи затлар өчен – 15 меңнән 30 меңгә кадәр, ә юридик затлар өчен 50 меңнән 100 мең сумга кадәр тәшкил итә. Шул ук вакытта хайван тартып алынырга тиеш.
Наталия Скрябина ачыклауынча, кыргый хайваннарны тыю кеше өчен потенциаль куркыныч, шулай ук фатирларда һәм шәхси йортларда яшәү шартлары күпчелек төрләр өчен яраксыз булуы белән бәйле.
Моннан тыш, исемлектә Кызыл китапка кертелгән хайваннар да бар, аларны әсирлектә тоту аларның юкка чыгуына китерергә мөмкин.
Скрябина өстәвенчә, еш кына фотосессияләр өчен кулланыла торган ябалаклар, шулай ук эре ерткычлар – пумалар һәм пантералар тартып алына.
Аның сүзләренә караганда, хайваннарны өйләрдә һәм фатирларда гына түгел, хәтта автомобильләрдә дә табалар: Мәскәүдә бер ир каршерингта Африка арысланы баласын йөрткән, аннан соң хайван тартып алынган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез