17 июль 2026 Яңалыклар

Юрист июльдән пенсия рәсмиләштерү өчен нинди документлар кирәклеген аңлатты

2026 елның 7 июленнән пенсия рәсмиләштерү җиңеләйде: хәзер күпчелек гражданнар өчен паспорт һәм СНИЛС җитә. Калган мәгълүматларны социаль фонд цифрлы системалар аша үзе сорый. Бу хакта «Прайм» агентлыгына юрист Тимур Маршани сөйләде, дип яза «РИА Новости»га сылтама белән «Татар-информ».

Эксперт сүзләренчә, Хезмәт министрлыгының яңа боерыгы 2021 ел кагыйдәләрен алыштырды һәм пенсияләрнең барлык төрләренә — иминият, тупланма һәм дәүләт пенсияләренә таләпләрне берләштерде. Күпчелек очракта өстәмә белешмәләр таләп ителми.

«Пенсиягә чыгарга 2 яки 3 ел кала дәүләт хезмәтләре порталы аша шәхси шәхси хисаптан өземтәгә заказ бирегез. Әгәр дә ниндидер эш чоры булмаса, аларны хезмәт кенәгәсе яки архивка сорау белән раслагыз. Бу пенсияне шунда ук максималь күләмдә алырга мөмкинлек бирәчәк», – дип аңлатты Маршани.

Әгәр 2002 елга кадәрге эш чоры, чит илдә стаж һәм зарарлы шартларда махсус стаж турындагы мәгълүматлар цифрлаштырылмаган булса, аларны документлар белән расларга кирәк булачак.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга