Конкурс читтән торып ике этапта үткәрелә һәм тарихи хәтерне саклауга, туган як тарихын популярлаштыруга, шәхси, гаилә һәм коллектив архивларыннан уникаль материаллар җыюга юнәлдерелгән. Конкурс эшләре географик яктан Татарстан Республикасы белән чикләнә.
Катнашу өчен гариза һәм конкурс материаллары комплектын җибәрергә кирәк – һәр номинация буенча бер эш кенә кабул ителә. Оештыру комитеты кыскартылган исемлекне 2026 елның 1 ноябренә кадәр билгеләячәк. Сайлап алынган эшләр 2026 елның 1 ноябреннән 20 ноябренә кадәр ТР Милли музееның рәсми сайтында һәм онлайн-тавыш бирү өчен оештыручылар ресурсларында урнаштырылачак, анда жюри да, интернеттан файдаланучылар да катнашачак. Нәтиҗәләр 2026 елның 1 декабренә кадәр ясалачак.
Конкурс номинацияләре:
«Бер ил – мең традиция». Бер районда татар, рус, чуаш, мари һәм башка халыкларның гореф-гадәтләре ничек яшәве турында туган якны өйрәнү маршрутлары;
«Татарстан чыганаклары». Иделгә багышланган эшләр;
«Ата-аналарыбыз тавышы: аудио һәм видеода гаилә хроникалары». Бәет һәм мөнәҗәт язмалары, туганнар белән әңгәмәләр, өлкәннәрнең аудио- яки видеоподкастлар форматындагы истәлекләре;
«Татар авылы бала күзлегеннән». Мәктәп укучыларының туган авыл турында рәсемнәре, иншалары һәм мини-тикшеренүләре;
«ТН-Наследие» коммерцияле булмаган автоном оешмасыннан «Гаилә традицияләре» махсус номинациясе. Уникаль гаилә ритуаллары, бәйрәмнәр һәм реликвияләр турында тарихлар.
Конкурсның гомуми приз фонды 335 000 сум тәшкил итә. Һәр төп номинациядә җиңүчеләр I урын өчен – 25 000 сумнан 50 000 сумга кадәр, II урын өчен – 10 000 сумнан 40 000 сумга кадәр, III урын өчен номинациягә карап 10 000 сумнан 30 000 сумга кадәр акча алачак.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез