Камал театрында Артист көне уңаеннан дәүләт бүләкләре тапшырдылар

 Бу хакта Татарстан Мәдәният министрлыгы хәбәр итә.

Тантанада җыелган артистларга фидакарь хезмәтләре өчен Татарстан Республикасы Премьер-министры урынбасары Ләйлә Фазлыева белән Татарстан Республикасы мәдәният министры Ирада Әюпова рәхмәт белдерде.

Ирада Әюпова артист һөнәренең уникаль булуы һәм тамашачыга күренми торган авыр хезмәт булуын әйтте.

«Иң зур кыйммәт нәрсәдә? Сезнең аларның хезмәтен күрмәвегездә. Артистның сәхнәгә чыккач ялгышырга хакы юк, чөнки аңа тулы зал карап утыра. Көн саен сәхнәгә чыгып, төрле эмоцияләр һәм чорларны трансляцияләгәндә, сез башыгызда шулкадәр күп мәгълүмат йөртергә тиеш. Сез барыгыз да – искиткеч талант ияләре...», – диде ул.

Сүз уңаеннан министр быел мәдәният һәм сәнгать өлкәсендә юбилейлар күп булуын әйтеп үтте.

«Дәүләт һәм җәмгыять артистларның хезмәтен, аларның исемнәрен һәм мирасын лаеклы бәяли, бүгенге вакыйга – шуның дәлиле», – диде Ирада Әюпова.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!