Казан икенчел торакка бәяләрнең иң аз үсеше буенча Россиянең зур шәһәрләре рейтингында беренче урынны алды. Әйтик, Татарстан Республикасы башкаласында 2025 елның август нәтиҗәләре буенча мондый фатирлар нибары 0,1%ка – 1 кв.м. 187 мең кадәр кыйммәтләнде. Мондый мәгълүматларны төзүчеләрнең Бердәм ресурсы статистикасына нигезләнеп, «Татар-информ» яза.
Бу исемлектә икенче урынны Волгоград ( 0,2%, 95 меңгә кадәр), ә өченчесен Краснодар ( 0,2%, 121 меңгә кадәр) алды. Топ-5кә шулай ук Екатеринбург ( 0,2%, 127 меңгә кадәр) һәм Омск ( 0,3%, 107 меңгә кадәр) эләккән.
6-10 урыннарда Уфа ( 0,5%, 120 меңгә кадәр), Красноярск ( 0,7%, 122 меңгә кадәр), Чиләбе ( 0,9%, 100 меңгә кадәр), Мәскәү ( 0,9%, 372 меңгә кадәр) һәм Пермь ( 1%, 112 меңгә кадәр) шәһәрләре урнашкан.
Августта «икенчел торакка» бәяләр үсешенең иң югары динамикасы Санкт-Петербургта теркәлгән ( 1,7%, 222 меңгә кадәр). Шулай ук Түбән Новгородта бер ай эчендә икенчел торак кыйммәтләнгән ( 1,2%, 143 мең).
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез