26 июнь 2026 Яңалыклар

Казан мэры янәдән БМОның Консультатив комитеты башлыгы итеп сайланды

Татарстан башкаласы мэры Илсур Метшин кабат БМОның җирле үзидарә мәсьәләләре буенча Консультатив комитеты (Lited Nations Advisory Committee of Local Authorities, UNACLA) президенты итеп сайланды. Марокконың Танжер шәһәрендә узучы «Берләшкән шәһәрләр һәм җирле хакимиятләр» Бөтендөнья конгрессында катнашучылар шундый карар кабул итте, дип хәбәр итә Казан мэриясенең матбугат хезмәте.

БМО каршындагы консультатив орган 323 мең муниципалитет мәнфәгатьләрен яклый, БМО һәм бөтен дөньядагы җирле хакимиятләр арасында үзара хезмәттәшлекне координацияләү белән шөгыльләнә. Метшин аны беренче тапкыр 2019 елның ноябрендә җитәкләгән иде. Хәзер ул комитет белән тагын өч ел җитәкчелек итәчәк.

Моннан тыш, элегрәк Казан мэры яңадан Берләшкән шәһәрләр һәм җирле хакимиятләр-Евразия президенты итеп сайланган иде. Әлеге вакыйга оешманың «Берләшкән шәһәрләр һәм җирле хакимиятләр» Бөтендөнья конгрессы кысаларында Танжер шәһәрендә җыелган генераль ассамблеясе вакытында булды. Штаб-фатиры Казанда урнашкан Берләшкән шәһәрләр һәм җирле хакимиятләр-Евразия оешмасы Россия, Азәрбайҗан, Белоруссия, Казахстан, Кыргызстан, Таҗикстан, Төрекмәнстан, Үзбәкстан һәм Монголиянең 120дән артык муниципалитеты мәнфәгатьләрен тәкъдим итә.

«Берләшкән шәһәрләр һәм җирле хакимиятләр» – муниципалитет вәкилләренең иң зур халыкара оешмасы. Конкурста катнашучылар җирле үзидарә мәсьәләләре һәм урбанистиканың киләчәге турында фикер алыша, бер-берсенең тәҗрибәсен үзләштерә.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга